- అల్లు అర్జున్ – అట్లీ కాంబినేషన్ సినిమాకు సంగీత దర్శకుడిగా సాయి అభ్యంకర్?
స్టైలిష్ స్టార్ అల్లు అర్జున్, డైరెక్టర్ అట్లీ కాంబినేషన్లో రూపొందనున్న భారీ పాన్ ఇండియా చిత్రానికి సంబంధించి ఓ ఆసక్తికర వార్త హల్‌చల్ చేస్తోంది. ఈ చిత్రానికి సంగీత దర్శకత్వ బాధ్యతలు యువ సంగీత ప్రతిభావంతుడు సాయి అభ్యంకర్కు అప్పగించినట్లు వార్తలు వినిపిస్తున్నాయి. అధికారికంగా ఈ విషయంపై ఎటువంటి ప్రకటన రాకపోయినా, ఇండస్ట్రీ వర్గాల్లో ఇది దాదాపుగా ఖరారైన విషయంగా చర్చించుకుంటున్నారు.
మాత్రమే కాకుండా, ఇది సాయి అభ్యంకర్‌కి సంగీత దర్శకుడిగా మొదటి సినిమా కావడం గమనార్హం. ఇప్పటివరకు ఆయన కొన్ని ప్రైవేట్ ఆల్బమ్‌లను మాత్రమే రూపొందించాడు. కానీ, అవన్నీ చార్ట్‌బస్టర్ హిట్‌గా నిలిచాయి. ఈ యువ సంగీత దర్శకుడు ఇప్పటికే రాక్‌స్టార్ అనిరుధ్ వద్ద అడిషనల్ ప్రోగ్రామర్‌గా పనిచేశారు. “దేవత”, “కూలీ” వంటి చిత్రాల్లోనూ అదే విధంగా పనిచేశారు.
అయితే, ఇప్పటిదాకా ఒక్క సినిమా కూడా స్వతంత్రంగా చేయకపోయినా, అల్లు అర్జున్ – అట్లీ లాంటి స్టార్ కాంబో ప్రాజెక్ట్‌ను సాయి అభ్యంకర్ దక్కించుకోవడం పట్ల పలువురు ఆశ్చర్యం వ్యక్తం చేస్తున్నారు. ఆయనకి ఈ అవకాశం ఎలా దక్కిందన్న దానిపై ఆసక్తికర చర్చ నడుస్తోంది.
సాయి అభ్యంకర్కు సంగీతం వంశపారంపర్యంగా వచ్చినది. సుప్రసిద్ధ గాయనీద్వయం టిప్పు – హరిణి దంపతుల కుమారుడే ఆయన. చిన్ననాటి నుంచే సంగీతంపై ఆసక్తితో పెరిగిన సాయి, అనిరుధ్ వద్ద పనిచేస్తూ తన ప్రత్యేకతను చాటుకున్నారు.
గమనించదగ్గ విషయం ఏమిటంటే, ఏఆర్ రెహమాన్, హరీస్ జయరాజ్, యువన్ శంకర్ రాజా వంటి దిగ్గజాలు 27 ఏళ్లకే పెద్ద ప్రాజెక్టులు చేశారు. అనిరుధ్ కూడా 23 ఏళ్లకే పెద్ద స్థాయిలో బ్రేక్ దక్కించుకున్నారు. కానీ సాయి అభ్యంకర్ మాత్రం 20 ఏళ్ల వయసులోనే పాన్ ఇండియా స్థాయి చిత్రంలో సంగీత దర్శకత్వం చేయబోతున్నాడన్నది సినీ పరిశ్రమలో హాట్ టాపిక్‌గా మారింది.
Read : Allu Arjun : అల్లు అర్జున్ కు బర్త్ డే విషెస్ చెప్పిన రష్మిక, విజయ్ దేవరకొండ
